бұзып өту учаскесі

(Участок прорыва)

құраманың, бөлімнің шабуыл шебінің бір бөлігі. Онда қарсылас қорғанысын бұзу мақсатында әскердің негізгі күші жинақталады. Қолбасшы (командир) немесе аға басшы операция (ұрыс) алдында қарсылас қорғанысының сипатын және оны бұзып-жаруға қажетті күш пен құралды, жергілікті жер ерекшеліктері мен басқа да факторларды есептеп алады. 1944—1945 жылдары Ұлы Отан соғысы тәжірибесі бойынша Б.ө.у-нің майдан бойынша ені 20—30 км болып (1,2 кейде 3 өңірде немесе шабуыл шебінің 7—12%-ы, армия бойынша 6—14 км, корпуста 4—6 км, дивизияда 2—2,5 км) корпус пен дивизия үшін көп жағдайда шабуыл шебінің енімен тең келді.